熊黛林系大细路！郭政鸿离港飘泊自封“天涯演员”

etin

艺人郭政鸿向来给人刚强的男子汉形象，不过，在剧集《家族荣耀》中一改戏路，饰演性格懦弱、优柔寡断的廿四孝老公。他坦言第一次见到剧中太太熊黛林（Lynn）时，心里即时凉了一截：“可能佢本身系模特儿，觉得佢好高冷，好难相处咁，但我要同佢做夫妻，所以要谂办法同佢相处。后来经过沟通，发现佢台上台下系两个人，佢真人好贴地、易沟通，系大细路，讲嘢阴声细气好温柔，同佢合作好开心。”他又大赞Lynn被揭发导致李彩华小产的一幕表现很好，不过中间却有段小插曲，令他非常难忘：“当时大家都演得好投入喊晒咁，奶奶陈曼娜大叫Lynn剧中个名叶彩薇，点知就叫错咗叶子楣，我哋全部人忍笑忍得好辛苦。”

​对于剧集大受欢迎，网民更称赞他是“配角天花板”，郭政鸿谦称自己也是边学边做：“做演员就系泥胶咁，要搓乜似乜，我以前拍得打戏多，畀人感觉系强者，今次系弱者，对我嚟讲未做过，都系学习中。”问到角色跟本人是否相似，他笑言对待小朋友的态度相似：“我唔系严父，对佢哋冇脾气，有时会畀佢哋恰，闹嘅角色留畀妈咪，我相对少见小朋友，所以唔想一见就闹。（对太太呢？都系太太话晒事？）小朋友嘢我会畀意见，但由太太落决定。”

郭政鸿自从离开无綫后内地发展多年，他称前年因疫情关系，试过一年有11个月在内地，与家人长期分隔两地，他无奈表示：“都冇办法，我要搵食，一家大家都靠我。（点同家人维系？）太太好理解，我哋日日视频。（佢担唔担心你喺内地多诱惑？）咁大个人知，唔到我唔上去，佢都明白，内地有工作，香港冇工作，如果我坐喺度咪愁上加愁。”他自称是“天涯演员”，只要有工作天涯海角也要去：“有时都几寂寞，但已经习惯四海飘泊嘅生活。”但庆幸内地工作量不俗，一个月有6位数收入，直言：“上咗去好难番转头。”