林凯恩咀“葱头”激嬲粉丝 实情同周嘉洛或有弯转

etin

处境剧《爱‧回家之开心速递》“金城安”周嘉洛与“Bonnie”林凯恩嘅CP大受欢迎，早前剧中2人分手，即令网民“暴动”，惟剧情之后又讲到双方未忘情，似乎有弯转，唔少粉丝都希望佢哋复合，不过新一集又再扭转，周嘉洛始终放唔低“被分手”，结果林凯恩决定搵“葱头”丘梓谦帮手扮情侣借位锡锡等周嘉洛死心，岂料当时发生小意外林凯恩不慎仆亲，假戏真做同丘梓谦咀嘴，最后周嘉洛死心祝福2人，而片尾亦暗示丘梓谦对林凯恩戏假情真，默默嗒糖！

​

呢集一出，意味住周嘉洛同林凯恩正式玩完，该场“葱Bon锡锡戏”更惹怒唔少粉丝，有忠实粉丝即闹爆：“大家都知我哋好有耐性咁等咗一个月，畀咗超过一个月机会嘅时间编剧去收拾自己制造嘅残局。但系去到今时今日，不可原谅！”对于网民不满，监制林建祥就多谢观众捧场，又语带保留指“安Bon”要经历过先会珍惜对方，所以复合与否都系未知之数，至于周嘉洛亦指认为“安Bon”只系分别成长紧，会期待及后故事发展。