终于送啱礼物！张继聪打造私人健身室冧谢安琪

etin

歌手谢安琪（Kay）昨日（13日）45岁生日，以往佢生日曾被老公张继聪“借过桥”，借送生日礼为名实质上买嘢益自己，至早前佢仍耿耿于怀出Po暗寸，不过今次生日，老公就有心思得多，见Kay曾大呻疫情期间冇得做Gym，张继聪竟然送上一大座健身仪器，仲亲自充当其健身教练，非常有诚意，一招就冧掂老婆，Kay表示：“我今年收到一份好重分量嘅生日礼物，再次令我思考人生，同埋唤醒我蠢蠢欲动嘅肌肉，好多谢呢个人，除咗成为我人生教练，仲客串做埋我健身教练，跑步嘅时候仲以迷恋嘅视觉，帮我影相拍片，每日剪埋好多搞笑片凼我开心，令到本来鬱闷嘅日子，增添好多好多意思。我会好好运用呢份生日礼物，希望好快会变成，健美又招积嘅安琪小子。”佢又祝愿世界和平，并指虽然冇办法同亲朋好友庆生，但仍感激大家嘅祝福，同时多谢粉丝将买礼物嘅钱作为捐款转赠有需要嘅人。