林夏薇自拍性感出浴照 ​​白滑皮肤劲吸睛

etin

疫情严峻，唔少艺人都确诊中招，令到娱乐圈都弥漫住一股令人忧虑嘅气氛。而艺人林夏薇（Rosina）昨日（6日）就喺社交网上载一张性感浸浴照，相中见佢皮肤白滑，合埋眼、好舒服咁喺浴缸浸泡泡浴，相当美艳。佢仲喺贴文分享自家抗疫小贴士，写到：“什么都不想谂，泡泡澡吧，可以带嚟生理上的温暖，还可以带嚟心理上的温暖与舒适感，缓解抑压的情绪，放空一下。”疑似喺到呻呢排压力爆煲，唔知系因为疫情定工作关系呢？

一班网友见相后都表示心心眼，而佢嘅圈中好友胡定欣就留言话：“浸到今晚10：30睇电视！”另外，日前亦见佢喺屋企拍片跳舞，唔少网民都大赞好睇兼搞笑，睇嚟佢呢排在家抗疫都几闷下，要不时喺屋企搞搞新意思止闷！