离婚夫妻唔同命｜刘恺威出巡冇人识 杨幂包到冚照被点相

etin

艺人刘恺威自从与女星杨幂离婚后，演艺工作大幅减产，4年来只主演过一部剧集，前年更转战话剧界，幕前曝光率大大减少。近日佢于社交网上载喺武汉行夜市嘅片段，见身穿名牌冷衫嘅佢喺夜市穿梭，走遍玩具店、路边摊、小食店等，仲走入粉面店除低口罩食嘢，但全程都冇人认得佢，可见名气大不如前。

相反，前妻杨幂贵为当红一线花旦，日前佢虽然已全身包到冚，戴上黑色Cap帽、黑色口罩及着上黑色外套，但亦火速被认得，更被拍下与一名男性共同出入屋苑，虽然事后好快有网民认出该男子系郭敬明嘅助手，估计只系倾工作，但仍成为热话，仲登上话题热搜榜，与刘恺威嘅待遇差天共地。