同陈展鹏一样惨！姚子羚疫下6位数酬劳仲未收到

etin

艺人姚子羚昨日（6日）到九龙湾出席活动，悉心打扮的她戴上两个口罩开工，相当谨慎。她笑言自己神经过敏：“以为自己发烧，就攞个探热计出嚟，但根本体温正常！依家都唔敢放狗，有成个礼拜冇同佢出街，训练佢喺屋企去洗手间。”

她坦然因疫情险峻而取消或押后不少工作：“都话唔到畀你听几时复工。（少咗好多收入？）系呀，好彩有啲积蓄。（有冇好似陈展鹏咁收唔番啲酬劳？）都有㗎，情形同佢差唔多，不过冇佢牵涉咁多钱，我就大约6位数。希望双方可以坐低倾吓。（咩工作嚟？）保健产品，写明某个时间就要搞掂（付款），都希望可以用和平嘅方法解决。”

她透露身边多了朋友向她借钱：“我同佢唔系太熟，佢都搵到我嘅话，应该系冇办法啦，不过就因为唔系太熟，相信大家亦各有难处，所以我婉拒咗。（好熟你会借？）我谂会。”谈到好友胡定欣染疫，子羚表示：“因为佢之前开紧工，所以我哋好耐冇见，不过我有慰问佢嘅，佢话有嘢食，父母照顾佢好好，饮中药调理，已经好番好多。（好多朋友中招？）都多，不过都系圈外人。”