逆市奇葩！金牌司仪林盛斌三年后又搬屋

etin

疫情严峻，唔少人都因为冇工开，收入大减，但艺人林盛斌（Bob）就相反，仲愈嚟愈发！昨日（28日）佢喺社交网上载一张相片，影低佢一家6口之前住嘅三层独立屋，并写道：“拜拜，多谢你呢三年为我哋遮风挡雨。”唔少网民都劲羡慕兼戥佢开心，留言话：“Bob爷好劲，呢个时势再搬大屋。”、“住得起好叻！一个能承担所有屋企人使费嘅人，仲叻！”、“不管将来住大，住细！得或失，总算成功过，努力过！”、“Good Luck!愈搬愈大，羡慕！”唔知呢位隐形富豪今次又搬去边呢？真系令人期待呀！

Bob接受访问表示：“其实都系搬返去九龙塘附近，因为旧屋完约，又咁啱畀我搵到呢间屋，风水又几好，环境又唔错，又光猛啲，所以决定搬，以前嗰度对住大马路，比较嘈，依家呢度安静啲，有时转换吓新环境，都可以畀到自己一啲新嘅感觉，新嘅动力，继续努力工作，畀多啲心机去做好自己！”