影帝级演技！彭于晏被影到当众撩鼻屎即变脸

etin

男神彭于晏早前喺吉林某滑雪度假区，被网民野生捕获，嗰日佢同1男3女围埋喺餐厅度边食边倾边睇雪景，不知玩得几开心。彭于晏着咗件黑色运动装，不过因为佢件衫太紧身，搞到佢嗰麒麟臂特别强壮。唔知佢系咪天气太乾燥，定系好多日冇洗头，所以见佢隔住顶冷帽不停狂搲头皮止痕，点知个头痕完又到第二度痕，佢好自然咁伸住只手指去鼻窿度撩几撩，虽然佢呢个撩鼻嘅动作，冇周星驰电影系列中嘅李健仁扮嗰个“如花”咁惊人，只系身为公众人物，做埋呢啲疑似“采矿”动作，都系唔咁好睇啰！

​可能佢觉得“男神”都系人，鼻塞塞要通吓都好正常，加上佢速度好快，只系佢手快，网民部手机更快，当佢发现被人影咗做“矿工”嘅相时，有一秒面有啲露惊慌又有啲尴尬嘅神色，不过下一秒，佢就好自然咁对住镜头笑一笑，即时变脸呢个奇技，网民都话佢真系有影帝级演技喎！