廖碧儿再度行山撞到周润发 网民嗌极度羡慕

etin

唔少行山发烧友不时都分享自己行山撞到周润发（发哥）嘅事迹，仲会同亲民嘅发哥合照。而昨日（20日）艺人廖碧儿亦喺社交网上载照片，原来佢又再次行山撞到人见人爱嘅发哥，令到网民都相当羡慕！相中见佢笑得非常灿烂、样貌仍然keep得几青春，至于身旁嘅发哥就着住红色风褛，载晒cap帽，一身行山look，同样笑得劲开心，睇落一啲都唔似66岁，仲喺好精神兼且有活力，唔怪得知到依家仲喺“少女杀手”，果然唔系浪得虚名！而廖碧儿最近不时分享美酒佳肴到社交网，有时仲会分享品酒心得，相当专业！闲时又见佢post吓自己嘅性感靓相，生活睇落相当充实！