疫下冇得整头有办法！李施嬅迎来特别发型师帮佢搞

etin

疫情严峻，政府加辣防疫措施，依家大家连头发都冇得剪，想搞吓个头都唔得。不过李施嬅就有办法，请嚟一位好特别嘅发型师帮佢整头，边个咁巴闭？咪就系佢只猫咪啰！施嬅喺社交网上载短片，只见佢同猫咪玩揈头发，引得猫咪爬上佢背脊抓头发，登时做出飘逸效果。施嬅仲留言：“猫咪，虽然近排冇得剪头发，但我头发无虱喔。搵乜嘢？”网民睇完片都话施嬅请到个好“发型师”，第日整头都可以悭番唔少！