庆祝结婚9周年！蒋怡同老公撑枱脚获送精致厚礼

etin

前日（18日）是艺人蒋怡与珠宝设计师老公翁狄森结婚9周年纪念，剪了短发的她，感觉十分清新，她网晒在酒店撑枱脚照，表示与老公静静地饮酒倾偈的两小时十分难得，坦言好耐未试过2人世界，对于餐厅的食物无大要求，她说：“本身之前都想试呢间餐厅，之前订咗就爆第五波，一路好忙都无机会去，今日周年纪念，谂都冇谂就订番呢间，觉得食物稳阵。”她透露老公送了一个刀形钻石链嘴给她，钻刀还可以拆出来，十分精致，她就送了一套调酒工具做礼物，透露老公因疫情关系经常留家，最近爱上调酒。

近月仔女都留在家上网课，她表示与其他家长朋友已有心理准备，网课的日子将会持续，笑言将要长期在屋企跟子女“困兽斗”，“好彩两个都好乖，大女可以自行上网做功课唔使烦，不嬲冇搵补习，都系我帮佢补，所以冇乜影响；仔仔今年比上个学期好似明白多啲网课，上年唔锺意，依家见到家姐都要上网，佢就好乖，唔使再凼，小朋友嘅接受力真系好强。”虽然外面的工作都停晒，但她开心可以有更多时间研究新食谱，“经过疫情两年嘅训练，一日三餐已经唔当系乜嘢一回事，对我无难度，计划得更好，雪柜永远有好多食物，唯一冇出街见唔到朋友有啲闷。”

另外，早前在尖沙咀开设的限定店已结束，尚未点算，但营业额预计麻麻，“因为嗰时间疫情开始咗，晚上食肆唔开，少人流，都冇办法。”。