张家辉硬撑出席 尔冬升忧金像奖变线上颁奖礼

etin

影帝张家辉昨日下午出席《第四十届香港电影金像奖》入围名单揭晓记者会，与彭秀慧朗读19项提名结果，场面热闹。久违的家辉心情不错，向记者传授“抗疫之道”：“都知道大家精神压抑得好犀利，但记得话畀自己听，明天会更好，要将平日遇到嘅开心嘢无限扩大。”而这两年多，家辉直言与太太关咏荷回复拍拖的感觉：“多咗时间同屋企人一齐，我就同老婆去行山、散吓步，以为冇呢啲机会，点知又有喎。（冇困兽斗发生摩擦？）我哋过咗呢个阶段喇，囡囡就成日对住部电脑上堂。”

谈到计划5月开拍自导自演新戏，家辉不讳言：“依家个环境令所有筹备工作大受影响，相信年中前都未必开到镜，而我就会喺4月返内地拍一部侦探片先，预算逗留2、3个月。”去年已曾返内地工作的他，笑指隔离生活好正：“有咗相关嘅经验，今次我嘅准备工夫会好啲，会带跑步机及大量嘅运动短片‘傍身’。”问到睇好谁得男、女主角？他说：“男就个个都做得咁好，唯一遗憾嘅系我冇入围，所以要继续努力，女嘅我冇睇晒啲戏，唔方便畀评论。”

香港电影金像奖协会董事局主席尔冬升（小宝）亦有交代详情，他透露今年选民及评审共1,683人，第一轮投票有982票。谈到金像奖初定4月17日假文化中心举行，他不讳言因为疫情，暂时未能有最终定案：“地点可能有变，要视乎疫情发展，今个月24号又会有新一轮防疫措施。当然最理想可以喺文化中心举行，但依家政府场所可能分分钟会关门，我哋都有Plan B在手，就系喺九展举行，但万一情况再严峻，无可奈何之下都要转搞线上颁奖礼。”