女神原来系工作狂！锺晴单身过节 王菲想捞埋综艺

etin

前港姐亚军王菲与《3日2夜》女神锺晴年纪相若，虽然后者比王菲年长4年，但后生女甫见面即讲不停，原来二人对传统农历新年也非常讲究，还齐齐分享难忘新年及习俗。王菲透露过往也会有年廿八洗邋遢习惯，至年初一之前一晚定必换上全新睡衣，到大年初一正日，就会穿上红Bra及红底裤，寓意整年也能鸿运当头，笑指多年来也储下不少红色内衣裤。而锺晴亦会换新衫及红色内衣裤，不过相对于王菲，锺家应该更传统，她说：“年初一前一晚要喺屋企倒数，所以通常约朋友都要早走，倒数完就要同父母拜年，之后先可以上床瞓，到翌日第一餐系食盆菜。（印象最深嘅新年？）记得7、8岁嘅年初一，我食完云耳去冲凉，之后系咁呕同发烧，可能系煮得未够熟，结果年初一到初三都喺张床度黐住退易贴度过，同埋此后都唔敢再食云耳。”

正受无綫力捧的王菲，去年一连参与《白色强人II》及网剧《逐流时代》两套作品，还不时于综艺节目亮相，不乏曝光机会，她坦言透过拍摄成长不少：“好开心之前喺《刑侦日记》，观众接受我嘅演绎，最近都拍紧《法言人》，嚟紧想综艺多啲发展，之前拍过《七线人弃王》，原来我都几享受，朋友叫我做番自己已经够好笑，因为我玩游戏永远都输，不嬲冇乜急智，但胜在有综艺感，奶仔（方绍聪）话想搵我拍搞笑节目，我做下靶位，都几得意。（唔谂感情？）依家事业先啱啱开始，所以比重一定系工作行先，希望站稳咗先再放心思喺其他嘢度。”

而去年参与剧集《把关者们》的锺晴，不讳言非常享受：“之前啲剧都系客串，今次有角色感觉好唔同，妈咪都赞我演Madam表现都唔错，所以嚟紧都想再试吓唔同角色。（咁系咪都唔谂感情事？）我都单身咗一年几，但心态又唔心急，系有认识嘅朋友，不过系自己唔想拍拖住，想工作行先啰！”