谢天华4千万复式豪宅曝光

etin

“大湾区五人组”中“成员”之一嘅谢天华，去年12月中佢返港同家人团聚，前日（5日）又晒囡囡Mia贺年照，点知就令佢间4千万复式豪宅曝光！

相中见到Mia着上唐装见人，又将金色小狮子摆上头去迎财神，可爱到爆，不过佢身旁嗰棵特大桃花树仲吸睛，又睇到大屋系复式设计，暖色系Design令人感觉又温馨又Warm，加上背后大大幅粉丝5年前送嘅谢天华肖像画，难怪睇到网友目瞪口呆。

其实呢间豪宅系谢天华同太太Tina 2015年联名以3,728万元购入嘅大坑低层单位，二人再花300万全屋翻新豪装，单位实用面积约1,710平方呎。据知大厦全幢17个单位均以复式设计，属区内罕有楼盘，当时就指谢天华因为校网而入住，现时单位已升值至约4,346万元。