前夫再婚︱锺欣潼忆拍拖点滴 通宵倾电话冧食早餐

etin

女星锺欣潼（阿娇）嘅前夫赖弘国日前被爆同空姐女友Alice求婚成功兼升呢做老窦，双喜临门，其第一任前妻、有“空界林依晨”之称嘅赵筱葳（Ivy）就寸爆话一定要试咗婚先决定嫁唔嫁得过，啲说话掷地有声。赖弘国喺2020年宣布同阿娇离婚时，就讲过永不再婚，对婚姻已失去信心，好在阿娇当时走得快，依家生活更加自由自在冇负担。

不过咁啱得咁翘，佢早前就喺综艺节目《因为是朋友呀》中就大谈昔日拍拖嘅甜蜜点滴，指自己曾相约喜欢嘅人一齐食早餐：“我通常都是跟他讲完电话，通宵之后，‘我们要不要吃个早餐？’”不过就畀天后容祖儿笑佢：“我宁愿多睡几个小时。”唔少网民都笑言阿娇系恋爱大过天，不过都不失少女情怀，祝福佢早日另觅所爱！