陈炜嫁唔切赶住注册 朱晨丽叫“姐夫”帮手搵好男人

etin

艺人陈炜（炜哥）与朱晨丽（朱朱）约3年前合作拍剧，感到特别投缘。炜哥如今嫁杏有期，她直言“等唔切”疫情告终，不排除先注册结婚的可能，而朱朱趁虎年到来，笑言要沾对方桃花运，更开出择偶条件，希望“姐夫”识做帮手牵红线。

炜哥与朱朱齐祝粉丝虎年甜甜蜜蜜，未婚的早日蜜运成功﹗谈到自己的婚期，炜哥表示：“本来谂住四月，但依家疫情相信都准备唔切，不过无论如何，我都会请朱朱做我姐妹团成员。（谂住押后婚礼到几时？）我唔系咁想等疫情完晒，可能会先注册。（即系几时？）都时话你知。”问到朱朱会否要求炜哥介绍好男仔给她，炜哥即表示“有笋盘”，朱朱却半开玩笑答：“冇饭食（指晚上6时后没有堂食）点约人呀？（择偶有乜条件？）要好似姐夫（炜哥未婚夫）咁，高大威猛、人好同孝顺咁啰。”

朱朱踏入虎年即有“新开始”，约有年多未有参与剧集拍摄的她宣布“复出”：“今次好开心喺《轻．功》内同祥哥（黎耀祥）合作，乘机跟佢学嘢。今次个角色好有挑战性，我扮演嘅化妆师有啲艺术家特质。”炜哥与另一视帝郭晋安（安仔）合拍的重头剧《回归》则于初四开镜：“我都未同佢合作过，好有新鲜感呀。”据悉这部新剧讲述炜哥与安仔离婚后，前者带着儿子吴伟豪北上发展，后者则留港与另一儿子周嘉洛留港闯天地，有人推测炜哥不难凭此剧明年登视后宝座。

​

由于开工关系，这个农历新年朱朱未能返家乡与家人团聚：“呢个新年相信会好难忘。其实我嚟咗香港发展咁耐，都未试过唔返乡下过年，依家惟有靠视像同家人‘云拜年’，希望炜哥唔好掉低我，同姐夫分少少时间，等我感受吓家庭温暖。”炜哥则不经意放闪说：“疫情之前嘅农历年，我去咗加拿大登台，咁啱男朋友得闲，嗰时啱啱拍拖，佢就陪我过去，工作之馀我哋仲一齐去睇瀑布，感觉好震撼。”问朱朱当初知道好友拍拖后，有否“多加意见”，她笑答：“炜哥唔问我都会讲，我第一眼见到就觉得佢哋好衬，仲索性叫姐夫添。炜哥好清楚自己要啲乜嘅，我就喺旁边煽风点火，睇吓佢哋几时火烛啫，哈哈！”