讲吴卓羲即撒娇！菊梓乔随时闪婚：遇到锺意就嘭嘭声

etin

“星梦一姐”菊梓乔（Hana）生肖属虎，今年犯太岁的她以前不迷信，但身边朋友指入了娱乐圈，怎样都一定要去摄太岁，她说：“每个人都会犯太岁，我觉得运系永远都会转吓嘅，咪去试吓摄。”听从友人意见，今年她也有找玄学家睇风水及指点，师傅指未来2年要准备好多嘢迎接2024年，她说：“佢叫我唔好唔开心，一唔开心就会病㗎啦！（你好唔开心？）师傅话我个人好易唔开心，好易谂埋一边。”她自觉好正能量，遇到不好的事都会正面去面对，她说：“我唔系悲观，我接受呢个世界嘅现实啰，我谂通咗好多，以前我都好执着，会好硬颈同两个老板嘈得好犀利㗎，唔轻易让步，但依家易话为咗，几平和。”她从不掩饰有颗恨嫁的心，她可有向师傅追问姻缘？她笑言：“我觉得姻缘冇得问，系要我锺意佢锺意，呢啲系讲感觉，唔系嗰啲嘢！（你唔心急咩？）等紧，我觉得我系嗰啲会闪电结婚嘅人，遇到锺意就嘭嘭声嗰啲。”

送飞畀Ron

谈到她与吴卓羲（Ron）的绯闻，她作撒娇状说：“佢嚟睇骚啫嘛，都唔关我事嘅。”她指Ron见到个骚海报有她份，因为成堆歌手只认识好，所以就问她有冇飞，她应该送飞朋友才对？她说：“我有㗎，我有畀佢，但唔知佢自己买咗定点样。（同佢有冇发展机会？）人哋嚟睇个骚，你又问人发唔发展，听日食咩我都唔知。（你哋依家咩关系？）好朋友啰，我要同任何人都有良好关系。（佢系你锺意嗰类型？）我锺意好嘅人啫！（佢好唔好？）大家觉得呢！（考虑吓？）OK啦！”

她没有被绯闻所困扰，她觉得好小事，她说：“人哋嚟睇郭富城嘛，咁啱我喺度啫。”她也不会因绯闻而感压力，踏入新一年对感情可有寄望？她坦白说：“我想拍拖㗎，想结婚㗎，由细到大我都想有个屋企，但系咪真系咁容易呢，系咪真系有好男仔介绍我识呢？我觉得一定要系一个好好嘅关系，我先会去发展啰。”她觉得圈中人圈外人都冇关系，但一定要等到个好嘅，身边可有追求者？她说：“OK嘅，我唔敢，我系嗰啲愈想得到一样嘢就愈惊，都系谂吓先。”