张敏相隔29年再扮赵敏 回眸一笑惊现老态吓亲网民

etin

由李连杰、张敏同邱淑贞喺1993年主演嘅《倚天屠龙记之魔教教主》，演员阵容强劲，系经典中嘅经典！当年饰演赵敏一角嘅张敏，造型美艳之馀仲型到爆，佢回眸一笑一幕成为唔少网民嘅集体回忆。事隔29年，由林峯、古天乐主演嘅新版《倚天屠龙记》即将于网上播映贺岁，张敏亦有份参与演出！

日前该电影喺社交网Post咗条“赵敏与小昭跨时空同框”嘅片段，睇到依家53岁嘅张敏再次扮赵敏，重演当年回眸一笑嘅经典一幕，虽然佢个造型同演绎都一样，但系岁月催人，佢已经变晒样，老咗好多啦，唔少网民都话畀佢吓亲呀，留言：“老了，妆也盖不住了”、“妆怎么化成这样”、“不如优雅地老去”，而有网民就慨叹“人总会老”，仲力撑张敏话：“到了这个年纪，外貌能保持这样已经不错。”