张馨月返港食好西 做跟得老婆保护林峯新片造型

etin

艺人林峯最近返咗香港为新戏开工，原来老婆张馨月都有做跟得老婆嚟咗，佢前日（27日）就喺短片平台放闪，晒出一段同老公拍拖行街食好西嘅片，继日前一齐做“超市KOL”之后，两人又大叹美食，张馨月留言：“空闲的我们就喜欢到处找好吃的，被我们找到一家小店，尝了忌廉咖喱乌冬面，还点了一份温泉蛋牛肉饭。至于地址，等开完通宵班的峯哥睡醒了，我问下，评论区里给你们。”

林峯全程都未有露面，不过佢都一直同老婆系咁讨论啲嘢食，佢仲买咗包炒栗子畀老婆，凼到佢一脸满足，而张馨月就由头食到尾，每次都系大大啖，相反林峯就嗌晒救命话Full咗Quota，不过好明显Enjoy今次嘅二人世界，仲讲埋出口：“我们两个拍拖来吃饭是对的！”有网民问道点解林峯不出镜，张馨月就话系为保密新片造型先唔出镜，护夫心切。