古巨基为老婆炮制梳乎厘蛋糕庆生 大晒铁汉柔情

etin

歌手古巨基闭关两年，早前已经宣布准备回归乐坛，但omicron杀入香港，引发第五波疫情，搞到古太生日都未能出街食饭庆祝，不过唔紧要，基仔出名系好老公、好爸爸，今次佢就亲自下厨整梳乎厘蛋糕为古太庆生，佢分享整梳乎厘全部过程照片，同埋一家三口幸福合照，真系好Sweet！基仔留言话：“疫情持续，不搞生日会，一切从简。Kuson 柔软的吻 + 我第一次亲自下厨造的梳乎厘蛋糕，两父子为古太庆祝，三口子简单的过，Kuson Mama脸上满足的笑容。”基仔希望疫情尽快终结，而基仔下厨都喺朋友圈造成哄动，佢透露有朋友赞佢铁汉柔情，仲向朋友笑言“唔通我识如来神掌又话你知咩”。而今次基仔精心炮制就获得古太同仔仔古晋匡大赞好味，咁几辛苦都值得啦！