李荣浩激罕晒爆肌相 同杨丞琳隔空斗露

etin

女星杨丞琳同歌手老公李荣浩拍拖到结婚，人前人后恩爱非常，无论外形以至音乐才华，两个都十分登对。杨丞琳不时分享出做运动相，大晒完美线条，咁识派福利难怪粉丝有增无减！相对李荣浩就较为“锡身”，可能大家都认为佢长得瘦削“冇嘢睇”，前日（9号）佢竟然激罕大晒爆肌相，即吸大批粉丝失控点赞，呢张相已经有7.5万个Like咁多！佢留言写道：“昨天工作完，健身两小时、疯狂暴汗，早睡早起，强身健体。”睇嚟呢位音乐才子被老婆感染爱上运动，网民大饱眼福，真系要多谢李太啦！