蔡少芬升呢做奶奶：我好锺意新抱！

etin

艺人蔡少芬同张晋育有1仔2女，生活幸福美满，正当大家都等睇佢哋仔女大个入行做星二代之际，蔡少芬原来已经做“奶奶”！事关佢老公张晋喺真人骚《披荆斩棘的哥哥》“收养”咗两个仔仔，同男星高瀚宇及歌手白举纲组上晒契，咁啱大仔前日（8日）就宣布自己做老衬，同圈外女友结婚，自然得到张晋留言祝贺：“小白，幸福都写在你们脸上，连这背影都能感受到，祝你们一直幸福下去！”

估唔到依家做咗“奶奶”嘅蔡少芬更加留言爆料，指阿仔一早就带过老婆嚟见家长：“小白，恭喜有情人终成眷属又家庭温暖又温馨，我好喜欢这个媳妇，温柔大方，持家有道，入得厨房出得厅堂…（跟我一样）！为你们感恩！”