汤洛雯拒拍咀戏 AK罕有同异性合作搞到湿晒

etin

艺人江𤒹生（AK）、汤洛雯（靓汤）、苏皓儿及白只等，主演电影《忽然心动》即将于农历贺岁档上映。一班后生仔女今次合作得相当愉快，4个单元故事都谈“纯爱”，主角们极其量只拖手及抱抱，不过首次接拍电影的AK却直言拍拖手戏都紧张到“手掌湿晒”，休息时亦只敢坐在一边扮睇剧本分散注意力，名副其实是名怕丑仔：“我出道3年，身边合作嘅多数系男生，已经唔记得同女做嘢嘅感觉。我同白只讲，大家都系锺意睇爱情片，多过拍爱情片，感情戏实在好难拿捏！”

谈到好兄弟卢瀚霆（Anson Lo）主演的《假冒女团》成绩不错，AK表示：“我冇佢咁大压力，呢套戏有4个故事，佢就占戏好重，心机同心血都付出唔少，比我紧张都好正常啫。（叫MIRROR班兄弟买飞捧场？）咁佢（AL）要识做啦，召集神徒啦。（嚟紧想试吓乜嘢片种？）动作及枪战戏，我觉得自己记舞步好快，应该容易驾驭。”

“处女下海”闯影坛的汤洛雯，于戏内与“情场高手”马志威配成一对，笑言角色勇于“收兵”：“因为要喺最短时间内搵到真命天子嘛，但我份人咁专一，所以要好努力咁投入。（有乜难忘事？）起初以为简单咁拍爱情戏，点知原来好多动作场面，我要将阿Dee挞生鱼咁挞。（冇咀戏？）拖手咋。（惊男朋友马国明呷醋？）唔系，我份人咁贤良淑德，唔好拍呢啲（太亲密）啦，愈大愈成熟嘛，哈哈，导演好锡我，又冇加呢啲嘢，反而系想喜剧感重啲。”

至于苏皓儿今次则扮演千金小姐，与拍档栢天男有得得抱抱，可谓最open：她笑说:“呢套算系我首次有角色名字嘅电影，意义重大。我个角色其实好怕丑，又唔敢同男仔接触，所以请佢做我嘅出租男友，负责娱乐我，帮我打开心扉，知我惊异性，就搵成班男仔嚟伴我唱K！”AK闻言即搞笑谓：“咁我都惊女仔喎。”