里里外外都咁年轻！素颜陈法拉薄Tee游雪山

etin

女星陈法拉今年凭首部华人超级英雄电影《尚气与十环帮传奇》中饰演“尚气妈”一角大获好评蜚声国际，自此工作不断，不但重演张曼玉主演嘅经典电影《Irma Vep》（《女飞贼再现江湖》）电视版，早前更现身洛杉矶担任颁奖嘉宾，颁奖畀“儿子”刘思慕。

虽然事业攀上高峰，但向来重视家庭嘅佢百忙之中仍抽空陪伴家人，除一家三口喺家中相聚外，昨日佢仲带囡囡登上雪山初尝滑雪。佢喺社交网大晒搭登山缆车嘅相片，见佢抱住囡囡，老公就负责揸机，相当温馨。见法拉素颜上阵，皮肤仍白里透红兼零毛孔，加上斜阴发型更显逆龄，似足20出头嘅后生女，少女味浓。此外，见囡囡冷帽兼羽绒包到实，相反法拉只着住一件薄T-Shirt，相当强壮，身体机能同外表一样年轻。