陈伟霆孖网友唱新歌！谢霆锋隔空拎筷子做指挥

etin

男神谢霆锋除咗厨艺了得，佢嘅音乐造诣亦都极高，佢不时将厨具融合于音乐于当中，之前佢就试过将蒸镘头嘅蒸架当做鼓嚟打，呢次佢竟然谂到将筷子当成指挥棒，隔空帮陈伟霆做指挥，令到网民大嗌好有惊喜！

陈伟霆主力内地发展之后，已经有9年冇出广东歌，佢近日终于推出全新广东歌《护航》，令到歌迷都勾起咗唔少回忆，佢仲嗌网友同佢喺网上平台隔空合唱添，而霆锋就喺社文网晒咗条片，睇到陈伟霆同网友合唱嗰阵，佢就拎住对筷子当系指挥棒，隔空为陈伟霆做指挥，认真有老友心！

除此之外，霆锋身处嗰个地方有音乐喷泉表演，拎住支“指挥棒”嘅佢，可以同时“指挥”喷泉喷水同埋陈伟霆孖网友合唱，可谓一举两得，一众网民都大赞佢真系有谂头，抵畀个Like佢啦！