圣诞成双成对︱单身胡定欣获胡蓓蔚分半个老公

etin

​昨日（25日）圣诞节系全家团聚嘅好日子，趁住佳节一众星级家庭都拍全家福大晒温馨时刻，今年仲加入好多新生妈妈、同埋新生儿赶到出嚟同父母过圣诞，好似汤怡、仲有刚刚生完细仔，再度荣升妈妈嘅Rosemary，而倪晨曦、单文柔、锺嘉欣都各自抱住宝贝仔女合照！不过要数“宇宙最强”家庭，就一定系甄子丹喇，全家以红白服饰上阵，颜值高嘅囡囡甄济如穿上红色晚装，头戴王冠，似足圣诞公主！另外，仲有嫁入豪门的李美慧、陈凯琳郑嘉颖一家都好温馨。

另外，陈山聪夫妇、单立文（豹哥）夫妇、袁伟豪夫妇都成双成对庆祝，而单身未有着落嘅胡定欣，就获胡蓓蔚分出“半个老公”，照片所见胡定欣同豹哥揽头揽颈相当老友，而穿上心口开窿衫嘅胡蓓蔚，就使出一招胸压老公，豹哥左右逢源，今个圣诞佢赢晒。