被郑嘉颖催婚生仔 黄宗泽神回：唔通单性繁殖咩？

etin

艺人黄宗泽（Bosco）和郑嘉颖昨晚（22日）出席有份演出的电影《G风暴》首映，戏中他们饰演兄弟，已合作过无数次，Bosco表示戏中好多追逐场口，因大家都有过脚患，所以十分担心，幸而没有受伤。嘉颖笑言与Bosco年年有合作，出年会再合作，他表示虽然做了爸爸，但拍戏也不会锡身，认为任何角色就算文戏也会有追逐镜头。

凭《星空下的仁医》角逐视帝最后5强，嘉颖说：“我都系嗰句，希望未攞过嘅攞，睇好谭俊彦和张振朗，（唔讲马国明佢会唔开心？）佢攞过视帝啦！觉得依家新气象，系新嘅开始，（去唔去台庆颁奖礼？）今次冇谓喇，应该唔会见到我，（《星》入围最多奖项？）多谢观众支持，自己希望趁退休前，拍到令人留下深刻印象角色。”他并拉Bosco讲笑：“Bosco就唔玩呢个游戏啫！”Bosco即秒回：“我想攞，多谢！”笑番全场。

圣诞将至，嘉颖表示一日未通关一日都留港，小朋友开始放圣诞新年假，家长就最大压力，笑言：“佢哋日日新鲜日日甘。”赞太太陈凯琳能干，已安排好节目，他只要出席便可，亦会安排节目与太太过二人世界。Bosco透露今年好多人陪他过生日、圣诞及跨年，因要为《法证先锋V》开工，并突然话羡慕嘉颖有家庭温暖，及爆嘉颖催婚，但Bosco说：“听佢讲完小朋友不断增长，自己就不断降低，听完仲惊，唔敢，未考虑结婚，（2022年有冇希望？）冇，我啲期爆晒，除非单性繁殖，日日喺剧组，唔知有乜做得出。”

​另外，刚从内地返港的谢天华都有出席首映，他透露离港超过８个月，返港陪家人度新年，他表示太太向他诈型，仔女快不认得他，于是他自度惊喜回家一幕，他说：“我冇话畀小朋友听我返嚟，一打开门，阿仔呆咗2至3秒，之后揽住我，我梗系狂啜番够本，呢幕我铺排咗好耐，如果个仔冇反应，我会好Hurt。”他表示3岁的细女尚未懂性，知道大仔心里面明白，只是未有说出口，不过第二晚已经要求黐着他睡。问他是否搵够回家？他说：“钱系搵唔够，但要有休息时间，畀自己充电回气。”