Aska孖谭俊彦经营餐厅 挑战80份西餐冇难度

etin

《声梦传奇》学员Aska（张驰豪）早前胜出无綫节目《男神厨房》其中一轮比试，成冠军厨男，之后孖谭俊彦、方力申、伍允龙、关礼杰等人分别经营餐厅，招呼80人作终极考验，事前佢笑话有少少紧张，冇谂过要打理一间真实餐厅︰“平时都系煮畀自己食多，最多都系煮埋畀屋企人、朋友食。（有冇煮过畀女朋友？）希望有一个我可以煮嘢食畀佢嘅人啦！”

讲到今次一次过出80份餐，Aska话有好多预备工作要做、准备材料，亦同咗厨师谂咗个菜单，目标明确，希望到时唔好有咩出错、食客又会食得开心！提起对手强劲，笑问佢有冇压力？佢自爆有︰“因为我觉得自己未称得上‘男神’呢个名，有好多地方要改进，所以今次开餐厅系抱住个轻松心情，冇谂过要去角逐冠军宝座。（以西餐为主？）系，我会整个好锺意食嘅甜品。（‘男神’封号出街之后有好多人叫你煮嘢食？）都有！声梦班朋友、屋企人，但开心嘅，因为我真系锺意煮嘢食，迟啲Fans Meeting都可以考虑一齐煮，今次煮完80份会有啲经验，之后可以再煮多啲。”

另外，谈及同时“声梦”嘅炎明熹、姚焯菲（Chantel）都分别出Solo新歌，佢哋两个仲同埋锺柔美同詹天文组成女子组合After Class。问到Aska会唔会心痒痒都想出歌？佢话︰“梗系会想！但都好开心见到佢哋成功，又角逐女新人奖，自己都好想快啲有歌，私下有写咗啲歌，《青春本我》入面都有几首作品。”