大赞汤怡专业打极唔痛 吴卓羲演渣男最担心体力

etin

艺人吴卓羲（Ron）于英皇电影《致命24小时》内，破格演出奸角，化身对老婆不忠、甚至为求自保不惜狠下毒手的假面医生，他笑言乐于接受挑战：“或许有观众会觉得，这个角色系渣男，但当我演绎时，却有不一样嘅睇法。”Ron自觉今次新鲜又好玩，非常投入理解角色的内心世界，从而塑造得更立体化：“喺戏剧世界入面，每个人都系自私嘅，包括饰演我太太嘅汤怡、以及看来凶残嘅潘灿良等，而每个人都有自己嘅想法与立场，总认为自己系啱嘅，所以我觉得自己嘅角色系时势同环境逼出嚟。”他更分析自己与汤怡的“夫妻关系”，谓：“大家可能会问，现实中系咪会有啲夫妻关系咁各怀鬼胎，其实喺戏剧世界入面，角色之间嘅互相猜度必须要放大，观众先可以投入剧情，咁样套戏先好睇嘛！”

当获邀演出时，Ron以为今次依然是自己最拿手的爱情戏，谁知一听戏轨居然是部惊悚片，他表示：“除咗点样演绎角色，当初都有考虑体力劳动方面，事关好多动作场面，包括我被潘灿良绑住，需要歇斯底里呼叫，又有彼此角力场面，都要付出很大体力。”他又对汤怡及潘灿良两位新拍档赞口不絶，成功擦出火花：“汤怡好似唔怕痛咁，潘灿良真系打佢、扯佢头发、将佢抛落梳化，佢都完全冇问题，呢段戏足足拍咗5、6日，我喺现场都唔敢骚扰佢，畀佢好好培养情绪。”