夹钱赌博被朋友输清光 许廷铿只会赌餐饭

etin

歌手许廷铿（Alfred）昨日（13日）为商场抽奖活动担任嘉宾，他直认对抽奖礼物电动汽车及新款电话心郁郁，希望趁年尾赢大奖冲喜，但他自嘲从来没有抽奖运，最威的一次只是中过六合彩安慰奖：“赢咗3个半字，其实我对赌博系有啲抗拒，因为读书时期个朋友话稳赢，就夹咗200几蚊，点知全部输晒！（同郑欣宜打麻将有冇赢？）我哋唔会玩钱，只系赌餐饭。”

讲回最想抽中电动汽车，Alfred指一直以来都是借用屋企车，故好想一尝做车主滋味：“21岁就已经有车牌，心仪电动汽车够环保，加上依家自己搞公司，少Book保母车。（有自己车多啲私隐？）做艺人从来都冇乜私隐，但会方便啲，自己对摄影又有兴趣，就可以揸去远少少地方影相。”并笑指自己是安全驾驶者：“可能比较慢，安全嘛！但好惊畀人呠！（电动汽车成百几万，最近搵到Full Pay？）太贵啦！我又新手上路，都惊整花，谂住买部几十万入门车。”

另外，谈及他即将荣升做叔叔，其新婚一年的兄嫂“升呢”做准爸妈，Alfred兴奋谓：“阿嫂依家37周，个肚好大！（买咗礼物畀BB？）佢哋已经有好多嘢，唔送住，等佢大个啲认得我先送，咁先抵，哈哈！我之前成日送好多嘢畀我家姐啲小朋友，但依家佢哋大个，一唔听话家姐就会将我妖魔化，搞到我形象好恶咁，完全唔记得我送过礼物畀佢哋。”