糖妹竟然高过黄宗泽！网民请教“增高大法”

etin

艺人黄宗泽（Bosco）同糖妹合作拍剧而成为好友，早前佢哋去完饭敍之后影合照，佢哋企埋一齐嗰阵，竟然身高相差2个头，十足巨人同哈比人一样，场面搞笑！虽然系咁，都有唔少网民话佢哋有身高差好衬，好适合做情侣喎！

而日前佢哋又再“合体”，不过呢次就嚟个180度逆转，喺合照嗰阵，糖妹竟然高过黄宗泽，仲可以搭住黄宗泽影相添，令到网民都惊讶！黄宗泽留言：“妹身高的奥秘2之佢要高过我！”咁到底糖妹用咩方法令自己高过黄宗泽，系企木箱定櫈仔？黄宗泽就仲Tag番糖妹话：“待续！”咁即系要下回先分晓啦，有网民就估：“下一次是你们一样高！”，亦有网民搞笑赞糖妹“长高咗！”，仲请教佢“增高大法”添！