袁伟豪做老衬一周年发表宣言：人生第一桶金就系娶咗张宝儿！

etin

艺人张宝儿（Bowie）去年11月嫁男友袁伟豪（Ben），为了庆祝结婚一周年，两公婆到了酒店Staycation庆祝。Bowie拍片并上载到其社交平台分享，片中她坦言老公经常通宵拍剧甚难约期庆祝，幸好最后排除万难成事。

2人到酒店后入房影住张双人床，表示：“呢个就系我哋周年纪念嘅主菜喇，大家明啦！”一切尽在不言中。Ben大谈结婚一年的感觉，认为婚后生活相当舒适，表示：“当二合为一嘅时候，我觉得份工真系分得非常之好，依家嘅我系舒服过拍拖嗰阵。（点解？）一嚟我哋有咗个屋企啦，又请咗个工人姐姐啦，变咗所有嘢都畀晒工人姐姐做，所以就冇做过嘢喇，我哋就专心去做自己嘢，即系返工呀，专心去玩呀，搞吓啲玩具咁样啰。”

Bowie则坦承2人曾为做家务而起争执，表示：“我好想帮你手，但我真系好唔叻做家务。（你知就好啦。）所以我不嬲都话我生出嚟就唔系做家务嘅材料，唔应该咁用我啰！”她亦表示好欣赏老公做事坦白亦不爱计较，对身边的人亦十分大方，表示：“呢两年我哋冇收入，你去爱锡身边嘅人，呢个系你性格，我知你唔会收埋私己钱。”不过，她对丈夫平时的使费亦有怨言，表示：“你锺意买车同买玩具，因为细个冇能力买，依家就想去满足自己，但我角度，你挨咗咁多年，既然有一笔资金，系咪应该拎去投资呢？”不过Ben亦有另一番见解，表示：“我投资咗啦，投资喺你身上啰！我赚到人生第一桶金就系娶咗张宝儿做我老婆。”

​

Ben坦言自己入行多年以来直2016年事业才有点起色，惟2018年后休息了一年半没有拍剧，与Bowie不时周围列国享受人生，但为了娶老婆便好尽家财，他说：“坦白讲结婚已用晒我所有嘅钱，所以我话第一桶金就系娶咗老婆，呢个真系一个好大嘅满足感，娶你返嚟的确花咗好多钱，不过我仲有赚钱能力，用晒咪再赚过。”网友大赞2人相当恩爱。