玩魔术变走朱晨丽？谭俊彦：佢太重搞唔掂！

etin

艺人朱晨丽（朱朱）与谭俊彦（Shaun）昨晚（5日）出席《欢乐满东华2021》排练，2人会合作跳舞及表演魔术，Shaun笑言自从上次在台庆表演跳舞尴尬完后，得朱朱开导：“佢话只要自己觉得唔尴尬，尴尬嘅就系别人。不过今次有好多舞蹈员，加上朱朱又叻跳舞，我只系跳几个舞步，所以冇问题。（你变魔术系变走朱朱？）我有提出过，不过佢太重搞唔掂。我会玩火，有一定危险性，身边有两个拍档会食火，我就变走啲火。我以前都有玩过吓魔术，我有喺屋企练习畀小朋友睇，佢哋睇咗4、5次之后话：‘Daddy，我知道系点。’”

​朱朱称之前跟Shaun在剧集《特技人》中曾一齐跳舞，所以有一定默契，Shaun指朱朱的表演有难度，之前未有人做过，称赞对方在短时间内做到，大感奇妙，朱朱大卖关子说：“我都好惊失误，我知道要做嘅时候都好大压力，我唔系专业人士，佢哋咁睇得起我，我就去学啦！我连生日都挂住练习，有好多朋友约我食饭，我都话唔得。（完全冇庆祝？）生日之前有少少庆祝，唔系所有朋友都一齐，之后再补祝。（绯闻男友何广沛有冇送礼物？）你哋问番佢。（其他异性呢？）迟啲再约，排紧队，男女都有。”

为争视帝造势？

有指朱朱现专责在不少节目表演，她解释只是多了综艺节目，可发挥自己特长，她又交波指Shaun平时甚少跳舞，大家可拭目以待，Shaun笑言：“你哋睇台庆都知，我得对手郁，今次对脚都会郁埋。（你最近频频曝光系咪为视帝造势？）只系咁啱有工作安排，我好少推嘢做，之前做完《男神厨房》再做埋《东华》就可以休息吓，圣诞可以陪小朋友。”问到朱朱会否投Shaun一票，她表示一定会，因为对方是自己首次担正女一的剧集拍挡。