悭得就悭！黎诺懿自嘲银包乾塘唔谂再生B

etin

艺人黎诺懿昨日（4日）以大使身份出席讲故事比赛的颁奖嘉宾，剧团创办人魏绮珊就担任评审之一，黎诺懿提到太太李洁莹将于圣诞前卸货诞第二胎，笑言圣诞出世使费贵些，故尽量圣诞前出世，实行悭得就悭，希望将来给予更舒适环境给两兄弟。他说大仔小春鸡（黎峰睿）今年4岁，已知道细佬就快出世，经常问细佬何时出世，他说：“我哋都迷信，问过知道大仔好锡细佬，好安慰。”他自认劏鱼叻，但好怕看到亲人血淋淋，大仔出世时已没有入产房，今次亦避得就避。

由于有上次做爸爸经验，故知道爸爸的工作都好忙，他说：“上次扮劲，觉得自己可以凑得掂，结果搞到有幻听，一合埋眼就听到小朋友喊声。今次都系交畀陪月专业人士，同太太讲好，细仔出世后，会花多点时间畀大仔，教大照顾细。”他透露发觉近来变了长气袋，以前大仔做错事会闹，现在改为凼：“自己讲嘢愈来愈细声，温柔咗，冇咗脾气，变到唔系自己。（生多几个仲温柔？）到时唔系幻听，系银包有幻觉，啲钱咁快冇晒嘅，哈哈，都系两个够。”并笑言准备狂收契女，计划收齐剧集《BB来了》饰演允猪的小女孩做契女。