大仔8岁生日变成熟 诸葛紫岐感安慰：品德培养最重要

etin

名媛诸葛紫岐（Marie）的长子薛华韬（Arthur）前日（28日）8岁生日，往年Marie都会为儿子举行生日派对，但今年Arthur“下令”不搞生日会，要跟家人去主题乐园欢度生日！Marie网晒和丈夫薛嘉麟及一对儿子在主题乐园玩机动游戏的合照，8岁的Arthur比以前更有“少年感”，长得高大，相中更见他常常伴着弟弟，兄弟情深！

Marie昨日接受访问，说Arthur的生日，不单有感时光飞逝，更对儿子的成熟懂事，感到十分安慰。她说：“每年我都会问Arthur生日会想点搞，因为提早筹备，今年佢好认真同我讲：‘妈咪，我大个仔喇，你唔使帮我搞生日会，亦都唔需要送礼物，我想一家人去主题公园，开开心心一齐玩，就好足够。’我听到佢咁讲，真系觉得非常不可思议！”她笑说Arthur期间有趁机撒娇，指她很少陪他去主题公园，她说：“我向来赏罚分明，如果系庆祝日子，又或佢做得好，我会奖励带佢去，我唔想小朋友觉得所有嘢都系唾手可得，唔可以凡事咁物质，心灵素质同品德嘅培养，先至系最重要。”

​笑言不用搞生日派对可以节省金钱的Marie，说没有生日派对下，反而这个生日过得更难忘，尤其是看到Arthur犹如小绅士，她说：“一家四口，简简单单，唔需要特别节目，一齐去玩去笑，享受心连心嘅互动，一世都会记得呢个美好嘅时光，比起搞生日派对更有意义。去乐园玩时，Arthur都有啲机动游戏唔敢玩，佢会话：‘我唔系惊咗，系怕玩完唔舒服。’因为弟弟唔够高，有啲游戏玩唔到，Arthur会好主动话：‘不如我陪弟弟玩啲佢可以玩嘅游戏！’Arthur呢个生日，我深切感受到佢嘅懂事同细心，同埋一颗顾己及人嘅心，懂得照顾自己同埋身边人。见到佢真系长大，我不得不认老喇！哈哈！”