江欣燕做蔡思贝阿妈凄惨丧喊

etin

艺人江欣燕昨晚（28日）悉心打扮出席以怀旧做主题的活动，席间演唱已故天后梅艳芳多首金曲，受访时自爆疫情至今零商演活动，对于今次终于“开斋”出骚感到好兴奋，并表示手头上还有几个春茗晚宴接洽中：“几年前试过一个月有20单春茗！但今时唔同往日，希望社会慢慢复苏，再打番好个天下。（疫情之下有冇活动压你价？）又唔好讲压价，我系抱住同舟共济嘅心态，最紧要系百业兴旺！”

虽然商演活动才刚开始有“起色”，但近年江欣燕拍落不少电视剧，更广收“仔女”，例如在正拍摄的无綫新剧《法证先锋V》中，蔡思贝饰演其女儿，打趣问可得悉思贝的“男友”是胡鸿钧？她说：“咁又冇问喎！我只系喺戏入面系佢阿妈。（有冇见过胡鸿钧嚟探班？）冇喎！我唔知呢啲嘢呀！”

每次开工都要丧喊

江欣燕透露剧中母女家庭背景复杂又凄惨，每次开工都要丧喊，将情绪推至高峰：“都算系入行以嚟拍过最惨嘅剧，自己嘅人生都冇咁惨！同思贝一样，斋睇剧本已经胃痛加出汗，而我系好易投入角色，每次演都出尽情绪，搞到好似我哋嘅真实故事咁。（怕唔怕演到有抑鬱？）所以今晚出吓活动、唱吓歌调节番个人。”另外，她又讲到最近两度入戏院支持电影《梅艳芳》，相信之后都会再睇撑场，并大赞饰演梅艳芳的王丹妮演得好。