炎明熹出骚跌倒爆喊

etin

艺人炎明熹（Gigi）、谭俊彦（Shaun）及锺舒漫昨日（21日）出席将军澳中心联乘韩国观光公社合办“韩冬乐雪游”揭幕礼，Gigi因肚泻关系，故比预定时间迟了35分钟才现身。惟她出现时已眼湿湿，期间不慎撞到台边，并脚软跌坐在地上，Shaun即时挡在她前面及扶起后她。事出突然，粉丝大叫她的名字以示支持，她即尴尬的微笑，初时强忍泪水，但最终忍不住转身，当场落泪，跟着便离开现场。

小休10分钟后，脱去粉色外套的Gigi再出现主持揭幕仪式，但看来心情仍未平复，而Shaun全程照顾及安慰身体不适的Gigi，非常有绅士风度。原定要献唱的她，因身体情况而取消唱歌环节，当司仪问到圣诞愿望时，她说：“大家圣诞快乐，保重身体，唔好好似我一样。”此时大批粉丝再叫名支持，Gigi才稍露欢颜。

受访仍落泪

炎明熹受访时仍忍不住落泪，讲到身体状况，她表示可能之前感冒未清，所以有点肚痛，问她病了多久：“唔记得咗，我以为冇事，可能寻晚瞓得唔好，头先跌倒好瘀，大家都要保重身体。（头先系脚软定系绊倒？）两样都系，我个肚唔舒服绞吓绞吓，我尽量忍住。（系咪唔够休息？ ）应该唔系，系休息得唔好。（有冇同公司讲唔舒服？ ）我冇同公司讲，因为我觉得冇嘢，我唔想令人担心，阻碍工作。（会唔会向公司请假？ ）我再睇吓先。我已经食咗保济丸同胃药。”

谭俊彦尽显暖男一面

其后Shaun加入傍实Gigi做访问，他先脱去外套披在Gigi脚上尽显暖男一面。Shaun大赞对方：“佢头先好淡定，我今日本来系想同佢倾吓偈，因为喺台庆见到佢唱歌觉得好奇妙，我上台5分钟已经唔记得晒啲Step，佢一出嚟就好压场，我个女都有睇佢，所以想同佢倾偈了解吓佢，攞啲教女嘅方向。点知未倾偈，就吓亲我。”指他对Gigi照顾有加，他笑言自己凑开小朋友：“我怕佢唔小心走光，所以喺前边挡住，跟住就扶起佢。（你好暖男。）系爸爸，应该咁做。”Gigi亦坦言对Shaun的举动大为感动。

问Shaun在唱歌上会否趁机向Gigi偷师？他说：“唱歌冇得偷师，系个天畀嘅才能。（见到小妹妹做到病会唔会好心痛？）当然心痛，佢要慢慢学识照顾自己，大家唔好畀咁多压力佢。”他又指想跟对方拍剧：“唱歌方面我就帮佢唔到，但如果拍剧佢有咩需要都随时可以问我。”

Gigi强调会视乎身体状况再决定是否向公司请假，昨晚她还要出席《青春本我》的慰劳宴，她说：“今晚个活动我好想去，因为好有意义，我每个活动都尽量出席，唔想失场。（你个人太倔强？ ）有时都需要硬颈啲。”