锺情运动男︱于淼刘云杰擦出爱火花？

etin

现时单身的艺人于淼最近跟猛男有约，对方正是著名漫画家刘云杰，于淼擅长田径，近半年积极学打网球，其教练大有来头，是经典漫画《百分百感觉》主笔刘云杰，她大赞对方：“我系初学者，刘老师教得好细致，第一个教练好重要，我搵到个好信任嘅教练。”

她笑言不是在香港长大，最初有眼不识泰山，不知对方是本地著名漫画家。问到网球有何吸引力？她认为女士打网球好有型，而且愈打身形愈好：“网球好难，好有挑战性，我最近先搵到打嘅感觉，觉得自己系勤力多过有天分。”并指运动型男士很吸引：“个人多啲活力，思想都正面啲、身体健康同身形好啲。我第一个男友就系足球员，佢系学校风头趸。”

问到是否有机会跟刘老师擦出爱火花？她笑言：“要再睇吓，其实打网球真系要‘擦’架，我同好多男仔都打唔到，啲人打得好随意，我哋系讲究个球擦板。”

获赞有天分

而刘云杰坦言最初打网球只为健康：“画漫画系燃烧生命，因为坐嘅时间太长，好多前辈身体都唔好，我拣打网球系因为有挑战性，而且冇乜肢体碰撞，打咗10年后以为自己好叻，后来遇到高手Parco（马汗辰），发觉佢先系高手，我做咗佢徒弟。”在Parco建议下，他将私人笔记本变成网球手册，二人又成立网球会推广网球运动：“我帮帮吓就变咗教练，都做咗4年。于淼依家系发烧友，佢有兴趣就已经系有天分，佢系演员，所以模仿力强。”