郑嘉颖翘实马国明冧到爆 锺嘉欣周家怡搭脚晒闺蜜情

etin

无綫台庆剧《星空下的仁医》进入结局篇！去年特意返港拍剧嘅艺人锺嘉欣，连日来更新社交网除咗力推主唱嘅主题曲，继续为剧集造势。昨日（18号）佢上载多张与剧中演员郑嘉颖、马国明及周家怡合照，四人合作而结缘，相中见个个笑得好灿烂，相信拍摄过程合作得非常愉快。最为亮点一定系在旁化身小鸟依人嘅郑嘉颖，依偎喺老友马国明膊头度，仲翘到实一实，好似惊佢会走咁，而且笑容更系由心而发，相信除咗老婆陈凯琳之外，第二个可以令郑嘉颖笑到咁只有马国明一个！锺嘉欣以英文留言：“美好时光、美好的回忆，感谢这次经历。”

此外，锺嘉欣与周家怡亦因合作而成为好友，见佢一时搭住周家怡膊头，一时就让周家怡脚搭喺自己大髀上，大晒闺蜜情。唔少网民大赞个个都好Cute，真情流露，演员之间能成为好友好难得。