最穷户口得几蚊！马贯东曾被误为做道具组

etin

近年弹起的艺人马贯东曾试过户只有几元的跑龙套日子，他视影帝张家辉为目标，自揭当年为跟对方同场拍戏而当特约。有个富贵女友的他称拍拖不会查对方家底，自己有能力自给自足，亦会尽力满足女友要求。

马贯东去年升呢成为男一，成功非侥幸，入行14年他一直默默耕耘，曾经历过漫长的“茄喱啡”生涯，试过被误以为在电视台做道具，最穷的时候户口只剩下几元，他表示：“揿唔到钱都试过好多次，最初段有问家人攞钱，但之后冇问，所以户口咪剩几蚊啰。”后来他凭《爱．回家之八时入席》的“十仔”角色而入屋，他坦言最要多谢黎耀祥，当年拍摄时对方会为他讲解每场戏，是其良师益友。至于最想合作的对象，他首选偶像张家辉，并自爆入行初期曾跟对方同场演戏：“朋友话有套电影主角系张家辉，我问佢有冇嘢可以畀我做，临记都可以，我做咗一场特约，同佢喺同一个环境下，睇到佢拍戏嘅状态同神髓，觉得佢好百变，希望自己都可以好似佢咁。”

马贯东与去年被揭与富贵女友拍拖，他称事业刚起步，现阶段以工作行先，爱情居次，问到结婚计划，他说：“想工作稳定啲先，如果要佢咁唔稳定咁同我一齐，有啲对佢唔住，起码买到层楼先。”虽然他自认并非爱情至上，但实际上是暖男一名：“你同佢一齐，佢想要乜，能力范围内要满足佢。（愿唔愿意为女友孭手袋？）如果佢真系攰都可以。” 对于被指专追有钱女？他认为清者自清：“我哋两个人嘅事我哋最清楚，我识一个人我唔会查佢家宅，佢有钱唔代表我要用佢啲钱，我可以自给自足。（会唔会觉得女尊男卑？）唔会，就算你家底比我好都系要尊重对方。”