余香凝唔八卦妹妹《造星IV》20强止步

etin

艺人余香凝（Jennifer）与苏丽珊昨日（14日）出席有份主演的电影《缘路山旮旯》首映，该片成为香港亚洲电影节闭幕电影，而苏丽珊旧爱游学修则以香港亚洲电影节大使身份现身。

Jennifer透露上年拍摄时已有孕在身，经常感到疲倦，幸获拍档岑珈其及导演照顾：“拍嘅时候我仲系瘦，但补戏嘅时候就肥咗，所以就要加句对白：‘你做乜呢排肥咗。’”提到最近她带女儿与岑珈其的儿子见面，问到是否对亲家？她笑言：“好开心见到，可以考虑吓，但我叫佢个仔打多啲篮球，我预计我个女会几高，两个小朋友都想互相接触吓咁，虽然我个女细佢个仔4个月，但就肥过佢。”

另外，Jennifer的胞妹余洁滢参加《全民造星IV》，她称有追看节目及鼓励对方：“我担心佢冇嘢食，我见佢好瘦，佢唔系专登减肥，应该系因为压力。（传妹妹20强止步？）我冇问佢，我唔想知个赛果，所以冇同佢八卦，因为知道赛果我就唔会睇。”

至于苏丽珊以新发型示人，她说：“我电到成个狮子头咁，但寻日洗完头发觉唔掂，我叫发型师帮我扎辫，整细啲个发型，否则吓亲大家。（对个发型满唔满意？）同我想像中有落差，我要学吓点扎头发，大不了剪短，反正好多人话我短头发好睇啲。（男友有咩意见？）佢由始至终都冇话靓，只系话型、有新鲜感，好有说话技巧。”讲到跟旧爱游学修同场，她称已非首次，之前在工作场合也有碰面，问到会否感尴尬？她说：“冇尴尬，大家都有点头，我都有睇佢嘅网上节目。”