林峯新剧攞头威好带挈 张馨月孖梁竞徽开车行

etin

艺人林峯最近凭《星辰大海》人气急升，大家都研究佢嘅“咆哮式”演技，大赞佢做戏高咗几个层次，估唔到佢呢个气场带旺埋老婆张馨月，最近佢就同林峯好友、梁竞徽合份开车行，齐齐做老板。见张馨月以一身黑色连身短裙现身，净系个手袋仔都已经值约3万蚊，扮到靓靓去迎接新店开张。之后佢将合照放上网，一班林峯喺无綫识落嘅好友都有现身，好似郭政鸿、李璨琛、关楚耀等，直头好似去咗Reunion咁，而忙于拍摄《法证先锋5》嘅黄宗泽、王浩信同吴卓羲等都有送上花篮表示祝贺。不过网友就发现唔见林峯踪影，估佢可能系新剧太多宣传要做，赶唔切出席开张，唔知佢识唔识做，之后再送礼贺老婆生意兴隆呢？