视帝变小贵子！郑嘉颖为两个仔犠牲大好“钱”途

etin

视帝郑嘉颖事隔5年回巢无綫拍摄台庆剧《星空下的仁医》，身为两子之父演绎“胡须医生”入木三分，被睇好有力3夺“视帝”。不过，他事业上近两年却为家庭放慢步伐，不惜犠牲大好“钱”途，他说：“疫情因为要隔离，所以呢两年都冇返大陆拍戏、真人骚、商演，之前拍《星》见少咗个大仔，佢已经唔理我，之前我日日同佢去公园玩，佢好黐我，令到我好伤心，如果上去就冇咗两个仔。唔可以乜都有，依家会选择家庭。”

讲起儿子，嘉颖觉得大仔表演欲强，比较似他，细仔则似老婆陈凯琳，虽然拥有最强基因，但直言与太太也不赞成儿子入行，他笑说：“大仔连乞人憎都似我，其实好矛盾，唔想佢哋做呢行咁辛苦，所以唔想咁快带佢入行，广告亦都推过，等佢18岁之后自己拣。”他笑谓现时最希望拥有时间停顿掣，不想儿子长大得那么快，因现阶段是最有童真、最可爱。至于再生BB，他则笑说：“顺其自然啦，屋企有两个小霸王已经好辛苦，喺屋企我都变咗小贵子。”

嘉颖分享要拥有幸福家庭的“秘诀”，他笑说：“所谓Happy Wife，Happy Life，老婆唔开心，你都唔使旨意开心。我经常同佢讲，觉得开心就去做，就算想拍剧都支持。佢平衡得好好，亦都想多啲时间陪小朋友，所以拣啲冇咁花时间嘅工作，佢真系好叻，系一个200分嘅老婆同妈妈。”

拥有美满家庭的嘉颖，直言现在是人生最开心的时间，他说：“依家人生最想追求系拍多啲令观众留下深刻印象嘅角色，反而比攞奖更甚。”对于再夺“视帝”则说：“唔系唔想攞，有奖当然系好大嘅奖励。自己觉得鼓励应该要畀啲新一代，一个奖可能会改变佢哋一生。”