密密有工开！朱晨丽冇剧拍转战大银幕玩枪战

etin

女星朱晨丽（朱朱）昨日（7日）以粉红色低胸裙现身沙田马场举办的“莎莎妇女银袋日”，朱朱身形清减不少，她自言最近积极做瑜伽减肥。朱朱透露父母喜欢观看赛马，故她不时会陪他们入马场：“佢哋对呢方面好有兴趣。（你会唔会投注？）我睇就多，但好少买，似乎冇乜呢方面嘅运，希望今日学多啲睇多啲可以行番呢条运。（父母咁锺意马，有冇兴趣做马主？）我做代言就可以，我未有资格去买。”

另外，讲到工作，朱朱称现忙于拍摄电影：“套电影系枪战类型，我破天荒系唔使揸枪，我只系中枪，我觉得好好玩，我以前开枪射人多，中枪系第一次，要扮痛，都好考验演技。”提到无綫台庆表演，她会跟40名女艺人一齐表演跳舞，但前日（6日）因身体不适而缺席彩排：“我寻日头晕，所以就冇去彩排，可能因为我身体差，所以见头晕，今日已经冇事。我都希望争取时间同大家一齐夹舞步，因为啲舞步都难、节奏又快，希望台庆当晚唔会失误。”