陈庭欣演技大爆发 全靠爱雀催泪

etin

前港姐冠军陈庭欣（Toby）在台庆剧《换命真相》饰演神秘关键角色“朱筱筱”，其死亡对整个剧情十分重要，她接受专访时笑言，角色在剧集没生存过，只存活在大家回忆中，而且喊戏十分多，故是大挑战：“睇剧本好难睇，好散，唔知点样拿捏番同每位嘅感情，呢个角色好重要，大家帮我搵番真凶同真相，亦解释成个故事点解发生塌楼事件。”

她表示最难忘一幕是要自己拍片对住镜头剖白心声：“要讲畀大家听，点解我会死同收埋咩秘密，讲番我哋细个4个女仔咁friend，好希望佢哋唔好再嗌交，其实嗰场戏我系幻想过往嘅事，但要喊得好紧要。”

平时为人开心的她今次要拍大量喊戏，原来她全靠回忆心爱的宠物鹦鹉过世，成功入戏，此时她愈讲愈眼红红，哽咽感触表示：“其实人愈成长，无论系工作、私人定感情都多咗唔同体验，如果10年前拍嗰场喊戏我一定好耐都喊唔到，但今次就搵到自己方法。嗰刻谂番第二只鹦鹉Warawara突然走咗，就算依家一谂都想喊，嗰时好有心机剪咗佢嘅生活点滴片，所以就睇番同谂番，同埋之前Shabushabu飞走咗几日，后尾搵得番，我就谂我当初搵佢时嘅感觉，都有帮助，谂到呢啲我就会疯狂喊！”

虽然Toby一直以做主持为主，拍剧经验相对较少，但她享受拍剧：“每次拍剧无论角色或戏份多与少，我都好珍惜同enjoy每次拍摄过程，同埋拍剧同主持做嘅功课唔同，体会嘅嘢都唔同，我对剧集都好有兴趣。”提到她之前就算戏份不多、角色不讨好，但都被赞发挥得好，她笑言最深印象是《多功能老婆》：“个角色唔讨好，个个话憎我，但我觉得好开心，监制同我解释个角色，话唔好有包袱，最紧要做好角色，唔好有其他杂念，其实无论做演员定系主持，做幕前唔好有私人事带返工，工作以外我就会balance，例如陪小动物、做运动，呢个系入行11年自已建立嘅模式。”

​