毛舜筠再放炒车相！Edan万岁嗌错生饺明玩嘢

etin

人气男团MIRROR成员Edan近日跟影后毛舜筠（毛姐）拍电影饰演两母子，Edan趁“阿妈”生日（5日）好乖仔咁出Post晒合照讲“Happy Birthday”，见毛姐挨埋落“阿仔”度成功“回春”，十足似两姊弟咁款，可能关最近成日孖“镜仔”做嘢事，吸够青春“阳气”！而讲到晒相，当然唔少得睡相，仲记得之前毛姐同“人气王”姜涛斗到你死我活咁，分别玩“出卖”，但今次就唔同啦！毛姐“一视同仁”晒同Edan嘅睡相，见二人中间隔住个机械人，毛姐都忍唔住禁笑话：“两母子瞓觉都有Bodyguard！”Edan就卖口乖留言：“阿妈瞓得优雅咁多！”

另外，有搞笑见称嘅Edan在场，就必定有笑料！佢喺限时动态出Post：“放饭谂住嗌啲饺子嚟加餸请大家食⋯点知嚟到⋯系生嘅！”相信所有人见到啲生饺都会笑到碌地！之后Edan再追加一个Post解释，见张单白纸黑字写明系“生饺”：“原来有写系生⋯但我以为生饺系饺嘅品种，冇谂过系唔咁熟咁解⋯”最后抵死话当外卖哥哥同佢Confirm张单嘅时候，佢仲一口咬定系“熟”，外卖哥哥当期时应该有十个黑人问号！