愈嚟愈瘦！周嘉洛呻爆食极唔肥

etin

艺人周嘉洛昨日（2日）参加《男神厨房》录影。他自爆厨艺一般，节目内“表演”川椒牛肉炒意粉，但最后因为“太乾身”变了乾炒牛河，还错手落重盐，食到主持郑裕玲面容扭曲！他尴尬表示：“我都戥佢辛苦，本身个环节系边食嘢边倾偈嘅，最后变成斋倾偈。”

正忙于拍摄新剧《四十二章经》的他，被发现身形消瘦不少，他表示：“我自己都觉得，但冇磅过，所以呢排开工都带住面包，得闲就会食，唔想自己再瘦落去，依家好似食极都唔肥咁。”

精力过剩的他，忙开工之馀又忙出海玩直立板：“跟住通宵开工，都系自己衰。咁都有操练嘅，依家比较乾身，有啲肌肉条线啦。”今次剧中他演双重人格的角色，跟平日的他性格截然不同：“依家要经常‘变脸’，开工前嘻嘻哈哈，一拍摄就变得严肃同认真。”

现时剧接剧传获公司力谷上位，嘉洛表示不清楚：“都唔知真定假，但听到咁讲都开心嘅，最紧要做好自己，暂时都未知几时‘回家’（重归处境剧《爱．回家》）。”至于身处加拿大的绯闻女友陈滢，早前透过社交网越洋祝他生日，嘉洛打趣：“佢喺嗰边开心到唔记得晒香港班朋友喇，佢嘅祝福都系顺便啫，最紧要系发贴文话畀粉丝听自己喺边咋。”