袁伟豪剧接剧Chur到尽 蔡思贝搵时间撑“男友”

etin

艺人袁伟豪与蔡思贝日前于西贡为无綫剧集《廉政行动2022》拍摄外景，他们凑巧要同时为已开拍的新剧《法证先锋V》开工，现时两剧同时开拍，相当辛苦。袁伟豪明显现疲态，笑言现时是“战斗”状态。他接受访问时说：“呢套拍到月尾，不过呢两星期系辛苦啲，最好可以多啲时间休息，因为同时拍紧两套剧，又要转景，啱啱拍完一场同谭俊彦嘅打戏，成身都系泥，要趁放饭时间返屋企冲凉。（饭都冇时间食？）偷少少时间食咗啲沙律，好在开呢套之前专登食肥咗，依家瘦番啲，之后希望开《法证V》时有时间做番运动，嗰套要做一个患有失眼症嘅警察，要留番长啲头发。”

做完师兄妹再演恋人

他与蔡思贝于此剧中饰演师兄妹，不过之后《法证V》中就会饰演一对恋人，蔡思贝说：“我哋依家呢套系完全冇感情线，之后就有，所以我收到《法证V》剧本时，我就同Ben讲‘嚟紧我要爱上你嘞！’点知佢话唔好转Mode住，我哋《廉政》完先转Mode啦！（有好好默契啦！）我哋之前合作过好多次，但多戏嘅唔多，今次大家沟通多咗，对佢熟悉又多咗，演情侣就系第1次尝试，嚟紧《法证V》情侣关系都系悲惨嘅，睇吓到时大家有咩火花。”

说到绯闻男友胡鸿钧现时努力为演唱会彩排中，问有否去探班时，蔡思贝说：“冇呀！我会尽量去佢演唱会支持佢。（佢好大压力？）系呀！始终都系佢第一次个人演唱会，想将最好嘅人睇，如果系我都会咁，希望施展浑身解数。（度定期出席撑佢？）尽量啦，希望啦，要睇缘分，剧组啲通告。”