锺嘉欣演技大跃进 “过晒期”唔谂拎视后！

etin

花旦锺嘉欣阔别公仔箱6年，最近在新剧演医生演技大跃进，顿时被推举成为今届视后大热！不过已是两孩之母的她直言对奖项没太多想法，只享受从角色中寻找乐趣。提到与两大视帝郑嘉颖及马国明首度合作火花不断，她笑言全因与2人不熟落，临场发挥产生更强的化学作用！

自2015年主演剧集《警犬巴打》后，锺嘉欣就回到加拿大，之后经历结婚生仔等人生大事。热爱演戏的她去年终重返娘家拍摄《星空下的仁医》，饰演儿科心脏病医生，大抵现实中是人母，所以她面对剧中小朋友病人时充满母爱，观众纷纷大赞她脱胎换骨、演技有层次，有望登上今届视后宝座。

问到当初为何愿意暂时放下家庭，只身返港拍剧？她指首次听到故事背景时，已感受到角色与自己的联系，自觉有信心驾驭到：“呢6年成长咗好多，冇嘢会比成为父母更快速成长，尤其对小朋友题材有好深感受，自己有2个，所以今次可以同小朋友拍戏系好开心。呢套戏有讲大肚，我佗过就仲易投入，最清楚感觉系点。（难度喺边？）对白，医学名词要背到好熟同讲得自然，唔可以放太多感情。今次角色好有型、潇洒，做手术好叻、好快，好开心可以做到咁叻嘅女人，全香港都系得一个心脏科女医生！（观众赞你演技有层次。）多谢！我真系花咗好多心机、做咗好多功课，剧本写到花晒。”

以往多次与视后宝座擦身而过，如今机会似乎再次降临，嘉欣却淡然表示：“攞视后呢样嘢冇经过我个脑，真心冇谂，已经过咗呢个时期。廿几岁时会想拎好成绩，依家心态系觉得适合同想做就去，好多嘢唔喺掌控之内，唔系人生入面嘅重要成分，最紧要系过程中学到乜。”

剧中，她与马国明、郑嘉颖演同期同学兼多年好友，镜头前火花四溅，原来镜头后他们毫不熟落，嘉欣说：“嘉颖几Cool，即使多对手戏，但唔系好多沟通，马国明就唔系好多对戏。观众睇到三个一齐有火花，其实好多时系到场见佢哋即场嚟料，大家都估唔到对方做乜嘢，埋位时你畀咩，我就畀咩你，真系即场演，可能就系冇特别计划下演出先有新鲜感。”