《爱．回家》忽然玩烧脑穿越被赞高质

etin

无綫大热处境剧《爱．回家之开心速递》长期处于高收视之位，久唔久就会有惊喜送畀大家，好似搵唔同巨星客串、故事发展紧贴香港时事等，都令到观众有赞冇弹，估唔到喺最近播出嘅单元中，竟然忽然大玩烧脑穿越情节，即刻被丧赞高质有料到！

今次就讲到熊若水（吕慧仪饰）同龚烨（张景淳饰）为咗生BB而吵架，仲搵嚟有“翻版金城武”之称、何超莲旧爱黄俊豪加入，本身大家都以为佢系谂住介入二人感情，扮演角色“阿丸”对熊若水嘘寒问暖，更加融入家中甚得熊家上下欢心。

不过大家姐熊尚善（滕丽名饰）就对阿丸起疑心，去到最后一幕二人暗角“对峙”，阿丸对住熊尚善抛下一句“大姨妈”就消失咗，观众先开始发现原来阿丸系由未来穿越过嚟嘅人，佢仲系熊若水同龚烨嘅仔仔！观众睇完即刻大赞有新意，结局令人完全估唔到，仲大赞处境剧剧情都咁有心，抵收视有升冇跌。